2013: Común Alemaña-Francia

Motivu conmemorativu: 50^u Aniversariu del Tratáu del Elíseu

Tirada: 11.000.000               Fecha d’emisión: 22 de xineru

     Moneda sacada en conxuntu ente Francia y Alemaña pa conmemorar el Tratáu del Elíseu o de cooperación francu-alemana, de 1963; nel diseñu intervinieron Yves Sampo, de la Fábrica de la Moneda de París xunto con  Stefanie Lindner, de la Fábrica de la Moneda de Berlín y les diseñadores Alina Hoyer y Sneschana Russewa-Hoyer de Berlín.

     El 22 de xineru de 1963 el canciller alemán Konrad Adenauer y el presidente de la república francesa Charles de Gaulle, firmen un tratáu nel palaciu del Élysée cola fin de finar coles engardieyes eternes ente los dos países. L’obxetivu yera algamar una serie d’alcuerdos de cooperación en relaciones internacionales, defensa, educación y política.

     Nel intre la moneda aparecen los retratos estilizaos del canciller de la República Federal d’Alemaña, Konrad Adenauer y el presidente de la República Francesa, Charles de Gaulle, sobre les sos respeutives robles. La lleenda escrita en francés y alemán: TRAITÉ DE L’ÉLYSÉE 50 ANS JAHRE 2013 ÉLYSÉE-VERTRAG. A mandrecha, baxu la efixe Adenauer, aparez la marca del direutor de la ceca francesa; la marca de la ceca de Pessac tá baxu la efixe de De Gaulle. Baxu la robla l´alemán, les iniciales del país emisor RF.

     Nel aniellu esterior les doce estrelles de la Xunión Europea.