2005: Serie Familia Gran Ducal

Motivu conmemorativu: 50^u Aniversariu del Gran Duque Henri, 5^u Aniversariu de la so entronización y 100^u Cabudañu del Gran Duque Adolphe

Tirada: 2.800.000           Fecha d’emisión: 15 febreru

     Nel intre la moneda aparez la efixe de So Alteza Real el gran duque Henri I, mirando a mandrecha y superpuesta sobre la efixe del so tataragüelu el gran duque Adolphe. Nel so cuellu aparecen les iniciales de la diseñadora Yvette Gastauer-Claire (CG). Enriba les efixes figura, en semicírculu, la lleenda GRANDS-DUCS DE LUXEMBOURG. Baxo la efixe d’Henri aparez el so nome y el so añu nacencia: HENRI *1955 y baxo Dolfo, l’añu la so muerte: ADOLPHE †1905.

     Nel aniellu esterior les doce estrelles qu’arrodien la imaxe intercálense col nome del país emisor LËTZEBUERG y l’añu d’acuñación 2005, allendáu a la so vez pola marca de la ceca de Vantaa y la lletra S de Suomi (Finlandia).