2011: Día Mundial de la Mocedá

Motivu conmemorativu: XXVI Día Mundial de la Mocedá, Madrid 2011

Tirada: 98.000                     Fecha d’emisión: 18 d’ochobre                 

   

     Esti añu la celebración d’esta xornada de la mocedá foi en Madrid, ente´l 16 y el 21 d’agostu y cola presencia del papa Benedictu XVI.

     El Día Mundial de la Mocedá ye un eventu organizáu pola Ilesia Católica y onde se dan cita mozos y moces de tol mundu. Nació nel añu 1984 siendo papa Xuan Pablo I. La xornada celébrase tolos años el Domingu de Ramos en toles Diócesis y una ceremonia principal nel Vaticanu. Cada 2 ó 3 años, escuéyese una ciudá pa organizar un aconceyamientu internacional presidíu pol papa. La idega ye incentivar la participación de la mocedá na Ilesia.

     Nel intre aparecen tres mozos, dos coles banderes del Vaticanu y la del Reinu d’España y un tercer mozu col logu del eventu, una corona crucífera. A manzorga aparez l’añu d’acuñación 2011 y la marca de la ceca de Roma (R); La diseñadora ye Orietta Rossi (O.ROSSI na moneda). La grabadora, Maria Carmela Colaneri (M.C.C.) cola abreviatura INC (d’INCISORE, grabador n’italiano, o INCIDIT grabolo en llatín). Alredor del diseñu vese la lleenda XXVI G.M.G. (de Giornata Mondiale della Gioventù)  y el nome del país emisor CITTA’ DEL VATICANO.

     Nel aniellu esterior, les doce estrelles de la Xunión Europea.