2011: Bancu de Finlandia

Motivu conmemorativu: 200^u Aniversariu del Bancu de Finlandia

Tirada: 1.500.000                  Fecha d’emisión: 17 d’ochobre      

    Nel añu 1811 el Zar Xandru I mandó establecer una Oficina de Cambiu, Préstamu y Depósitu na ciudá de Turku, que foi l’orixe del posterior Suomen Pankki - Finlands Bank en 1812 y que se trasladó a Helsinki en 1819. A finales del sieglu XIX pasó a ser Bancu Central una vez que Finlandia tuvo moneda propia y la banca comercial s’afincare nel país.

     Nel intre la moneda vese un cisne cantor (emblema nacional) esnalando, diseñu del artista Hannu Veijalainen (V, sol ala a manzorga); les feches 1811-2011 sirven tanto pa marcar l’aniversariu del acontecimientu como pa indicar l’añu d’emisión de la moneda. Na picolina l’ala aparecen les sigles del país emisor Fi y más baxa, la marca la ceca de Vantaa.

     Nel aniellu esterior les doce estrelles de la Xunión Europea.