2010: Batalla de Maratón

Motivu conmemorativu: 2.500^u Aniversariu de la Batalla de Maratón

Tirada: 2.500.000               Fecha d’emisión: 25 d’ochobre

     La batalla de Maratón (490 e. C.) foi un enfrentamientu armáu que definió el desendolque final de la Primer Guerra Médica. Enfrentó per un lláu al Rey persa Darío I, que deseaba invadir y conquistar Atenes y, per otru, a los atenienses y los sos aliaos.

     Pero lo que realmente fexo famosa esta batalla foi una carrera… o dos, porque eses son les versiones qu’esisten: La primera, la más estendía, ye la que fai referencia al héroe Eucles, que foi enviáu tres la victoria griega, p’avisar a los atenienses del fechu. Hores más tarde, morrería del esfuerciu.

    

     La segunda carrera, menos conocía, en realidá foi la primera, ya que trata del recorríu de 240 kilómetros fechu por Filípides pa sofitar l’ayuda d’Esparta ante’l desembarcu persa.

     Esiste una tercer carrera, fecha polos hoplites griegos tres la victoria, pa protexer Atenes d’un supuestu desembarcu persa. El casu ye que llegaron a tiempu y los perses dieron la media vuelta.

     Esta fazaña, cualisquier de les tres, foi la q’inspiró a los organizadores de los Xuegos Olímpicos modernos la carrera deportiva del maratón.

     Nel intre la moneda aparez un escudu con un guerreru corriendo, que representa la llucha pola llibertá y los nobles ideales, símbolu de la Batalla de Maratón. L’ave del escudu simboliza el nacimientu de la civilización occidental na so forma d’anguañu. Alreor del grabáu vese la lleenda ΜΑΡΑΘΩΝΑΣ 2500 ΧΡΟΝΙΑ (Maratón 2500 años) y ΕΛΛΗΝΙΚΗ ΔΗΜΟΚΡΑΤΙΑ 490 Π.Χ. 2010 Μ.Χ. (República Helénica 490 E.C. 2010 D.C.) y la marca de la ceca de Halandri.

     Nel aniellu esterior les doce estrelles de la Xunión Europea.