2005: XX Día Mundial de la Mocedá

Motivu conmemorativu: XX Día Mundial de la Mocedá. Köln, Alemania 2005

Tirada: 100.000              Fecha d’emisión: 6 d’avientu

 

     El Día Mundial de la Mocedá ye un eventu organizáu pola Ilesia Católica y onde se dan cita mozos y moces de tol mundu. Nació nel añu 1984 siendo papa Xuan Pablu I. La xornada celébrase tolos años el Domingu de Ramos en toles Diócesis, más una ceremonia principal nel Vaticanu. Cada 2 o 3 años, escuéyese una ciudá pa organizar un aconceyamientu internacional presidíu pol papa. La idega ye incentivar la participación de la mocedá na Ilesia. L’aconceyamientu d’esti añu 2005 foi na ciudá alemana de Köln (Colonia) y presidíu pol papa Benedictu XVI.

     Nel intre hai una representación de la Sée Catedral de San Pedru y Santa María de Colonia (Alemaña); la estrella fugaz qu’aparez representa a los Reis Magos, que, según la tradición, tán enterraos equí. La lleenda XX GIORNATA MONDIALE DELLA GIOVENTU’ va faciendo un semicírculu a lo llargo’l borde superior, interrumpíu pola cola del cometa y de les aguyes de les torres la Sée. A manzorga, en pequeñino, el nome de la diseñadora Daniela Longo (LONGO); y a mandrecha, les iniciales del grabador Ettore Lorenzo Frapiccini (E.L.F.) seguío de l’abreviatura INC. (d’INCISORE grabador n’italiano, o INCIDIT grabolo en llatín).

     Nel aniellu esterior, aparecen doce estrelles dispuestes en semicírculu. Ente les estrelles figuren l’añu d’acuñación 2005 y la marca la ceca de Roma (R). Per baxu, la lleenda CITTA' DEL VATICANO.