2011: Día Internacional de la Muyer

Motivu conmemorativu: Centenariu del Día Internacional de la Muyer

Tirada: 5.000.000               Fecha d’emisión: 3 de mayu

     La moneda conmemora’l centenariu del Día Internacional de la Muyer, que se celebra cada 8 de marzu. La Internacional Socialista, aconceyada en Copenhague en 1910, foi la encargada de proclamar esti Día en favor de los drechos de la muyer asina como p’algamar el sufraxu universal femenín. Celebrose por primer vez el 19 marzu de 1911 n’Alemaña, Austria, Dinamarca y Suiza. La Organización de Naciones Xunies tién reconocíu esti Día.

      Bélxica presenta na so moneda les efixes de Isala Van Diest, la primer muyer belga n’entrar na Universidá (en Suiza, pues en Bélxica foi refugada pola Universidá Católica de Lovaina) llegando a ser la primer médica del país, y de Marie Popelin, la primer abogada pola Universidá Llibre de Bruseles.

     Nel intre la moneda aparecen les efixes de les femes y a d’ambos dos llaos del añu d’emisión 2011, los sos nomes I. VAN DIEST - M. POPELIN acompañaos de los emblemes de les sos profesiones. De tresfondu vese’l símbolu femenín ♀. Les lletres BE, referencia al país emisor, aparecen centraes por riba de les efixes, allendaes pola marca de la ceca y el so direutor. 

     Nel aniellu esterior les doce estrelles de la Xunión Europea.