1/10/15

2005: Constitución Europea



Motivu conmemorativu: 1er Aniversariu de la robla de la Constitución Europea

Tirada: 18.000.000               Fecha d’emisión: 29 d’ochobre

     Italia llanzose a cellebrar un aniversariu que finó en cabudañu. La Constitución Europea ya naciera amoriando, pero dalgún, polo que se ve, inda tenía esperances de que’l proyeutu cuayare.

     Nel intre la moneda vese una alegoría del raptu de la xana Europa pol Dios Zeus tresformáu en toru. Europa simula roblar con una pluma el testu de la Constitución Europea. Na parte superior izquierda de la imaxe, aparez la marca de la ceca de Roma (R). Les iniciales de la grabadora, Maria Carmela Colaneri (MCC), figuren na parte inferior izquierda. L’añu d’acuñación 2005 aparez nel estremu superior derechu de la ilustración, per enriba la tiesta’l toru. Na parte inferior de la imaxe, tá’l monograma de la República Italiana (RI).

     Nel aniellu esterior la lleenda COSTITUZIONE EUROPEA y les doce estrelles de la Xunión Europea.

No hay comentarios:

Publicar un comentario