1/10/15

2007: Independencia de Finlandia



Motivu conmemorativu: 90u Aniversariu de la Independencia de Finlandia

Tirada: 2.000.000               Fecha d’emisión: 1u d’avientu

     Primero perteneció al Reinu de Suecia durante 700 años, pa lluéu dixebrase ente esti reinu y la República de Nóvgorod tres les guerres suecu-novgorodenses pel sieglu XIV. Pel sieglu XV Nóvgorod pasó a formar parte del Principáu de Moscú, el cual entamó otra guerra fallida escontra Suecia, que tornó a tener la hexemonía nel terrenu. Ente los años 1700 y 1721, la guerra ya foi escontra l’Imperiu Rusu y Suecia perdió influyencia na zona. En 1808, otra guerra fexo que Rusia s’anexonare Finlandia col nome de Ducáu de Finlandia, siendo’l duque’l propiu zar Xandru I. Y a la fin, en 1917, pel mes d’avientu y unos díes depués de la revolución bolchevique en Rusia, Finlandia proclama la so independencia. Tres esti acontecimientu, inda pasó el país una guerra civil en 1918, dos enfrentamientos militares escontra la XRSS y ún escontra l’Alemaña nazi.

     Nel intre la moneda aparez una embarcación con nueve remeros, como símbolu de collaboración. Enriba del too aparez l’añu d’emisión 2007 y sol diseñu l’añu de la independencia del país: 1917. A manzorga aparez la marca la ceca de Vantaa (una cuernu de la bayura, que sustitúi a la marca del direutor de la mesma, que ya nun sal) y a mandrecha l’abreviatura del país (FI). El diseñu ye obra de Reijo Paavilainen (ensin marca na moneda).

     Nel aniellu esterior les doce estrelles de la XE.

No hay comentarios:

Publicar un comentario