2006: L’Atomium

Motivu conmemorativu: Restauración y reapertura del Atomium 

Tirada: 5.000.000               Fecha d’emisión: 10 d’abril

      Una hestoria asemeyada a la Tour Eiffel de París asocedió en Bruseles. En 1958, con motivu de la so ESPO, llevantose una figura d’aceru y aluminiu que representaba un cristal de fierru. La idega yera esbarrumbalu a los seis meses, tres finar la feria, pero bien lluéu se convirtió nuna atracción turística, polo que foi indultáu y pasó a ser un símbolu más de la ciudá. Dende marzu de 2004 entamó un procesu de renovación que finó’l 18 febreru de 2006 cola so reapertura al públicu.

      Nel intre aparez una representación del Atomium y a mandrecha, ente una bola y una pata, les iniciales del grabador Luc Luycx (LL). Les marques de la ceca belga (a manzorga) y la del direutor de la mesma (a mandrecha) figuren xunto a la so base.

      Nel aniellu esterior les doce estrelles de la Xunión Europea, la lletra identificativa de país emisor (B) riba, a les doce en puntu y l’añu d’acuñación 2006 a les seis.