2013: Real Institutu Meteorolóxicu de Bélxica

Motivu conmemorativu: 100^u Aniversariu del Real Institutu Meteorolóxicu de Bélxica

Tirada: 2.000.000               Fecha d’emisión: 18 setiembre

     El IRM (Institut Royal Météorologique) naz en 1823, cuando l’astrónomu, matemáticu y sociólogu Adolphe Quetelet (1796-1874) propón al Ministru d’Enseñanza Pública de la época crear un observatoriu en Bruseles. Los trabayos entamaron en 1827, cerca la Porte de Schaerbeek en St. Josseten-Node, y en 1833, ficiéronse les primeres observaciones meteorolóxiques estándar. Los estudios astronómicos nun se faen hasta la construcción d’unos nuevos edificios en Uccle, ente 1883 y 1891. El 31 de xunetu de 1913, el Serviciu Meteorolóxicu del observatoriu convirtiose nuna institución autónoma col nome de Institut Royal Météorologique, cuyu primer direutor foi John Vincent.

     Nel intre la moneda aparez, nel centru, el númberu 100. Dientro del primer ceru aparecen les sigles del Institutu en neerlandés, KMI (Koninklijk Meteorologisch Instituut) y francés, IRM (Institut Royal Météorologique); el segundu ceru representa un sol. A la manzorga del sol vense unes isobares, unes gotes de lluvia y varios copos de ñeve. Nos rayos superiores del sol, l’añu emisión 2013 y nos rayos inferiores, l´abreviatura del país emisor (BE). Sol 1 tan les marques de la ceca y el so direutor. El diseñu de la moneda, de Peter Denayer, foi escoyíu mediante concursu y votación.

     Nel aniellu esterior les doce estrelles de la Xunión Europea.