2009: Añu Internacional de l’Astronomía

Motivu conmemorativu: Añu Internacional de l’Astronomía

        Tirada: 106.084                     Fecha d’emisión: 18 payares                 

    Coincidiendo col 400 aniversariu de les primeres observaciones astronómiques feches con telescopiu por Galileo Galilei y la publicación por Johannes Kepler de l’Astronomía nova, l’añu 2009 foi declaráu Añu Internacional de l’Astronomía (AIA 2009) sofitáu pola UNESCO.

     Nel intre aparez un fragmentu de La creación del sol, la lluna y los planetes, frescos de la Capilla Sixtina de Miguel Ánxelu, xunto con un telescopiu vieyu y otru modernu. La marca de la ceca de Roma (R) ta nel cuadrante inferior izquierdu y l’añu d’emisión 2009 aparez na parte inferior. A dambos dos llaos del añu lleense los nomes de la grabadora Maria Carmela Colaneri (MCC) cola abreviatura INC (d’INCISORE, grabador n’italiano, o INCIDIT grabolo en llatín) y la diseñadora Orietta Rossi (O. ROSSI). Arrodia el diseñu la lleenda ANNO INTERNAZIONALE DELL’ASTRONOMIA. CITTA’ DEL VATICANO.

     Nel aniellu esterior, les doce estrelles de la Xunión Europea.