2008: Declaración Universal de los Drechos Humanos

Motivu conmemorativu: 60^u Aniversariu de la Declaración Universal de los Drechos Humanos

Tirada: 1.500.000                  Fecha d’emisión: ochobre       

    La Declaración Universal de los Drechos Humanos ye un documentu aprobáu’l 10 d’avientu de 1948 en París, pol Conceyu Xeneral de les Naciones Xuníes. Esti documentu recueye los drechos básicos del home en 30 artículos. El documentu redactolu un comité de la Comisión de Drechos Humanos de les Naciones Xuníes formáu por Eleanor Roosevelt (Estáos Xuníos), René Cassin (Francia), Charles Malik (Líbanu), Peng Chun Chang (China), Hernán Santa Cruz (Chile), Alexandre Bogomolov/Alexei Pavlov (Xunión Soviética), Lord Dukeston/Geoffrey Wilson (Reinu Xuníu) y William Hodgson (Australia). John Peters Humphrey (Canadá), direutor de la División de Drechos Humanos de la ONX, tamién aportó el so llabor. La Declaración foi sometía a votación y foi aprobada por 48 votos a favor, nengún escontra y 8 abstenciones.

    Nel intre la moneda aparez una figura humana nel intre d’un corazón abiertu nuna muria de roca; debaxu aparez la lleenda HUMAN RIGHTS. Na parte inferior del centru la moneda les iniciales del país FI, la marca del diseñador Tapio Kettunen (K), y la marca la ceca de Vantaa; na parte superior vese l’añu d’emisión 2008.

     Nel aniellu esterior les doce estrelles de la Xunión Europea.

     Bélxica tamién emitió una moneda esti mesmu añu col mesmu fin commemorativu.