Motivu conmemorativu: 30u Aniversariu de la Folixa de la Música
Tirada: 10.000.000 Fecha d’emisión: 21 xunu
La Fête de la Musique coincide tolos años
col solsticiu de branu, el 21 de xunu. Foi idegada pol músicu norteamericanu
Joel Cohen pel añu 1976 mientres trabayaba pa Radio France (France Musique). En
1981 el Ministru de Cultura francés Jack M. É. Lang puxó pol sofitu
institucional, anque la so primer edición celebróse el 21 de xunu de 1982 y foi
declarada fiesta oficial el 21 de xunu de 1983. Dende entós, vién celebrándose
anualmente, aparte d’internacionalizase: anguañu celébrase en más de cien
países. Durante esti día, amás de celebrarse conciertos d’artistes reconocios y
de baldre, inténtase que músicos aficionaos salgan espontaneamente a tocar a la
cai.
Nel intre la moneda aparez el logu del
eventu (Fête de la MUSIQUE 21 JUIN) asina como xente de folixa y una
representación estilizada d’un instrumentu musical y notes esnalando pel aire,
que simbolicen l’atmósfera de gayola de la fiesta. L’añu emisión 2011 va
flanqueáu pola marca de la ceca de Pessac y la del so direutor. No llongo’l borde superior,
haza la mandrecha, figura la lleenda 30e ANNIVERSAIRE y, na parte
inferior, les grafíes RF, iniciales del nome oficial del país emisor.
Nel aniellu
esterior les doce estrelles de la Xunión Europea.
No hay comentarios:
Publicar un comentario