2010: Añu Sacerdotal

Motivu conmemorativu: Añu Sacerdotal

Tirada: 115.000                     Fecha d’emisión: 12 d’ochobre                 

     La moneda conmemora l’Añu Sacerdotal proclamáu por So Santidá’l papa Benedictu XVI, celebráu ente’l 19 xunu de 2009 y el 19 xunu de 2010 y que se clausuró con un alcuentru internacional de sacerdotes presidíu pol mesmu papa. Nun foi escoyíu al azar, sinon coincidiendo col 150^u aniversariu de la muerte del sacerdote Jean-Marie Baptiste Vianney (1786-1859), más conocíu como San Xuan María Vianney, patrón de los párrocos.

     Nel intre aparez l’alegoría del bon pastor, onde se ve a un pastor rescatando un corderu de la boca d’un llión. A manzorga aparez l’añu d’acuñación 2010 y la marca de la ceca de Roma (R) sol debuxu; el nome del diseñador VEROI vese a mandrecha. El grabador foi Ettore Lorenzo Frapiccini (E.L.F.) cola abreviatura INC (d’INCISORE, grabador n’italianu, o INCIDIT grabolo en llatín). Na parte superior, el nome del país emisor CITTA’ DEL VATICANO y na parte inferior la lleenda ANNO SACERDOTALE.

     Nel aniellu esterior, les doce estrelles de la Xunión Europea.