2005: Bélxica y Luxemburgu

                        

Motivu conmemorativu: Xunión Económica de Bélxica y Luxemburgu

Tirada: 6.000.000

Fecha d’emisión: 1^u de marzu             Fecha de circulación: 1^u d’abril

     Nel intre aparecen les efixes del gran duque Henri de Luxemburgu y del rei Albertu II de Bélxica mirando a manzorga. El perfil del rei Albertu II tá llixeramente superpuestu sobre’l del gran duque (que pa eso la moneda ye belga). Baxu les efixes aparez l’añu d’acuñación, 2005. Na parte inferior derecha figuren les iniciales del grabador Luc Luycx (LL).

     Nel aniellu esterior les dos efixes y la fecha tán arrodiaes poles doce estrelles de la Xunión dixebraes en dos grupos de seis y polos monogrames del gran duque Henri (H coronada) a manzorga y del rei Albertu II (A coronada y con un 2 romanu baxo ella) a mandrecha. Les marques de la ceca belga (a manzorga) y la del direutor de la mesma (a mandrecha) aparecen ente les estrelles na parte inferior del aniellu.