11/5/16

2015: Folixa de la Federación

 


Motivu conmemorativu: 225u Aniversariu de la Folixa la Federación

Tirada: 4.000.000               Fecha d’emisión: 10 de xunetu

     El 14 xunetu de 1789 los revolucionarios franceses tomen la mítica y odiada cárcel de La Bastiella. Al añu siguiente, el comandante de la Guardia Nacional de París La Fayette, decide facer una folixa nos Champs de Mars (Campos de Marte) pa celebrar el primer aniversariu d’esti acontecimiento, poro, l’entamu de la Revolución francesa. Nun foi una idega orixinal de La Fayette, sinon que foi l’apropiamientu d’una folixa que los guardies nacionales del Midi entamaren a facer n’agostu de 1789 y que rápidamente espoxigó poles distintes federaciones de guardies de Francia. En 1791 l’Asmblea Nacional decide que’l 14 xunetu seya la folixa de la reconciliación y xuntanza de tolos franceses.

     Tres unos años d’abandonu, tornó la folixa en 1880, sola tercer República, camudando a Día de la Fiesta Nacional de Francia, que perdura fasta güei.

     Nel intre la moneda aparez una Marianne moderna con gorru frixiu mirando a manzorga, onde aparecen unos versos del poema Liberté de Paul Eluard: Sur toutes les pages lues / Sur toutes les pages blanches / Plerre sang papier ou cendre / J’ecris ton nom. Al llau tan les marques de la ceca de Pessac y el so direutor. Na oreyera’l gorru vense les iniciales del país emisor RF; al llau, l’añu d’emisión 2015 y so ello, el títulu del poena con lletres estilizaes. Nes acuñaciones BU y BE (proof), la escarapela que cubre parte del gorru vién coloreada a semeyanza de la bandera francesa (azul, blancu y coloráu).

     Nel aniellu esterior les doce estrelles de la Xunión Europea.

No hay comentarios:

Publicar un comentario