2014: Arma dei Carabinieri

Motivu conmemorativu: 200^u Aniversariu de la fundación del Arma dei Carabinieri

Tirada: 6.500.000              Fecha d’emisión: 25 de marzu

     Arma dei Carabinieri (Arma de Carabineros) ye un cuerpu de seguridá del Estáu italianu. Tamién ye una de les cuatro fuercies armaes d’Italia. La fundación del cuerpu foi concebida per primer vez en Cagliari, en junu de 1814 pol rei de Cerdeña Vittorio Emanuele I de Saboya. La idega d’est rei yera facer una fuercia policial a semeyanza de la xendarmería francesa. El 13 xunetu d’esi mesmu añu, el rei promulgó les patentes rales pa tala fin en Torino. El 13 d’agostu ye nomáu’l so primer xefe supremu, el xeneral Xosé Thaon de Revel.

     El so nomatu vién del arma emplegáu pol cuerpo, la carabina. Los collores del plumachu, bermeyu y azul, escoyolos el rei Carlos Alberto en 1833. Destacar qu’esti mesmu rei salvó la vida na batalla de Pastrengo gracies a la intervención de los Carabineros.

     Nel intre la moneda aparez una reinterpretación de la escultura Los Carabinieri patrullen na tormenta, obra d’Antonio Berti en 1973. Solos policíes, el so nomatu: CARABINIERI. A manzorga, l’añu la fundación, 1814 y a mandrecha, l’añu d’emisión 2014. Na parte cimera, la marca de la ceca de Roma y, al llau les botes, LDS, iniciales del nome de la diseñadora Luciana De Simoni

     Nel aniellu esterior les doce estrelles de la Xunión Europea.