2013: L’Academia Platónica

Motivu conmemorativu: 2400^u Aniversariu de la fundación de l’Academia Platónica

Tirada: 750.000               Fecha d’emisión: 1^u d’ochobre

     El filósofu ateniense Platón (427-347 e.C.) foi’l discípulu más distinguíu de Sócrates y el más acreditáu cola preservación de la enseñanza socrática pa la posteridá nos sos Diálogos. Al tornar a Atenes d’un viaxe a la Península Itálica nel añu 387 e.C., fundó una escuela filosófica na rexón d’Academia (anguañu Kolonos). Durante casi 1.000 años (hasta el 529 d.C.), l’Academia Platónica gozó d’una reputación d’escelencia sobre la base y la renovación de les enseñanzes del so fundador. Les idees de l’Academia pasaron a la Europa medieval a traviés de los árabes. Anguañu, la palabra academia identifícase cola educación superior, les instituciones académiques y les instituciones culturales de prestixu.

     Nel intre la moneda aparez el bustu Platón xiráu a manzorga, mirando a la lleenda 2.400 ΧΡΟΝΙΑ ΑΠΟ ΤΗΝ ΙΔΡΥΣΗ ΤΗΣ ΑΚΑΔΗΜΙΑΣ ΠΛΑΤΩΝΟΣ (2.400 años dende la creación de l’Academia de Platón) y el nome del país emisor ΕΛΛΗΝΙΚΗ ΔΗΜΟΚΡΑΤΙΑ (República Helena). Tres la nuca, la marca de la ceca de Halandri y l’añu d’emisión 2013. Nel exergu, les sigles de artista G. Stamatopoulos (ΣΤΑΜ).

     Nel aniellu esterior les doce estrelles de la Xunión Europea.