2012: Giovanni Pascoli

Motivu conmemorativu: Centenariu de la muerte de Giovanni Pascoli

Tirada: 15.000.000              Fecha d’emisión: 10 d’ochobre

     Giovanni Pascoli (1855–1912). Consideráu como ún de los mayores poetes italianos de finales del sieglu XIX. La so poesía carauterízase por una métrica formal n’endecasílabos, sonetos y tercetos encadenaos y de gran simplicidá. Nótase na so obra el so preste poles llectures científiques, tanto polos temes cósmicos como pola precisión del léxicu botánicu y zoolóxicu emplegáu n’ella. Pascoli foi un renovador de la poesía tocando temes hasta entós evitáos, asina como’l facer entender al llector del placer de les coses cencielles dende un puntu de vista cuasi infantil (como el neñu que llevamos dientro).

     Nel intre la moneda aparez la efixe del poeta. A mandrecha, anagrama del país emisor, RI, y la fecha d’emisión 2012; a manzorga, la fecha 1912, añu del fallecimientu del poeta, la marca de la ceca de Roma y les iniciales de la grabadora Maria Carmela Colaneri, M.C.C. Sol bustu, el so nome: G. PASCOLI.

     Nel aniellu esterior les doce estrelles de la Xunión Europea.