2013: Giovanni Boccaccio

Motivu conmemorativu: 700^u Aniversariu del nacimientu de Giovanni Boccaccio

Tirada: 10.000.000              Fecha d’emisión: 18 payares

     Giovanni Boccaccio (1313–1375). Xunto con Dante y Petrarca, Boccaccio ye un de los más importantes poetes y escritores italianos del sieglu XIV. Ente la bayura de les sos obres lliteraries, El Decameron ye la so verdadera obra d’arte, con una clara influencia na lliteratura europea.

     Col so estilu modernu ya innovador, Boccaccio demuestra ser un gran observador de la realidá, llistu pa representala ensin censura, amestando poesía con ironía. L’home, colos sos vicios y virtudes, ye una figura central nes sos obres, onde temes como la fortuna, la intelixencia y l’amor entellácense en tolos sos matices.

     Nel intre la moneda aparez la efixe de Giovanni Boccaccio, sacáu del retratu fechu por Andrea del Castagno en 1450. A mandrecha, anagrama del país emisor, RI, la marca de la ceca de Roma y el monograma del diseñador Mauri, m. Sol bustu, la lleenda BOCCACCIO 1313-2013.

     Nel aniellu esterior les doce estrelles de la Xunión Europea.