26/5/16

2014: Galileo Galilei

 

Motivu conmemorativu: 450u Aniversariu del nacimientu de Galileo Galilei

Tirada: 6.500.000              Fecha d’emisión: 21 payares

     Galileo Galilei (1564–1642) foi un astrónomu, filósofu, inxenieru, matemáticu y físicu italianu, relacionáu estrechamente cola revolución científica. Eminente home del Renacimientu, mostró interés por casi toles ciencies y artes (música, lliteratura, pintura). Ente los sos llogros, inclúise l’ameyoramientu del telescopiu, delles observaciones astronómiques, la primer llei del movimientu y un sofitu determinante pal copernicanismu. Tá consideráu como’l pá de l’astronomía moderna, el de la física moderna y el de la ciencia.

     El so llabor esperimental tá consideráu complementariu a los escritos de Francis Bacon nel establecimientu del modernu métodu científicu y la so carrera científica dizse complementaria a la de Johannes Kepler. El so trabayu implica una quiebra coles teoríes afitaes de la física aristotélica y foi motivu d’enfrentamientu cola Inquisición romana de la Ilesia católica.

     Nel intre la moneda aparez un retratu de Galileo Galilei tomáu de la pintura de Justus Sustermans de 1636, que se conserva na Galería de los Uffizi en Florencia. Riba, nun semicírculu, el nome del conmemoráu GALILEO GALILEI; a mandrecha, el telescopiu de llente obxetivu del astrónomu, espuestu nel Muséu d’Historia de la Ciencia en Florencia, la marca de la ceca de Roma y, pela hombrera, les iniciales de la grabadora Claudia Momoni. Sol bustu, los años del aniversariu 1564 – 2014 (ésta última ye tamién l’añu d’acuñación). A manzorga, el monograma del país emisor.

     Nel aniellu esterior les doce estrelles de la Xunión Europea.

No hay comentarios:

Publicar un comentario