2015: 70 Años de Paz n’Europa

Motivu conmemorativu: 70 Años de Paz n’Europa

Tirada: 4.000.000               Fecha d’emisión: 2 de febreru

     El lema de la Xunión ye “Unidá na diversidá”, o seya, qu’a pesar de les nueses diferencies culturales, de vezos y costumes y llinguístiques, los europeos somos capaces de facer una xuntanza ente nos y crear una Xunión Europea que trabaye pola paz y la prosperidá. Por ello los franceses escoyeron de símbolu pala so moneda una palomba llevando una cañina d’olivu; simboloxía relixosa, que se remonta a los tiempos bíblicos de Noé y el so arca, cuando esti patriarca unvió palombes pel mundu pa saber del fin del diluviu y una d’elles tornó con una cañina d’olivu. Dende entós, esti símbolu representa la paz nel mundu.

    

     Nel intre la moneda aparez una palomba estilizada llevando nel picu una cañina coles 12 estrelles (en vez de les fueyes del olivu) de la bandera europea. Al llau tá l’añu d’emisión 2015. Los 28 países de la XE tán representaos equí polos sos códigos ISO (AT • BE • BG • CY • CZ • DE • DK • EE • EL • ES • FI • FR • HR • HU • IE • IT • LT • LU •  LV • MT • NL • PL • PT • RO • SE • SI • SK • UK). Sola palomba vense les iniciales del país emisor RF y un logu perteneciente al programa Europa Star, al que pertenecen Bélxica, España, Finlandia, Francia, Italia y Portugal. A manzorga vense les marques de la ceca de Pessac y el so direutor.

     Nel aniellu esterior les doce estrelles de la Xunión Europea.