19/5/16

2014: Islles Xóniques


Motivu conmemorativu: 150u Aniversariu de la Xunión de les Islles Xóniques con Grecia

Tirada: 750.000               Fecha d’emisión: 24 setiembre

     Les islles Xóniques (Griegu antiguu: Ἰόνιοι Νῆσοι; griegu d’anguañu: Ιόνια νησιά) conformen un archipiélagu que s’alcuentra en agües del mar Xónicu, frente a les costes noroccidentales de la península griega. Tradicionalmente conócense col nomatu de les Siete Islles, aunque el grupu inclúi delles otres islles más pequeñes. Les principales son Corfú, Paxos, Léucade, Ítaca, Cefalonia, Citera y Zante. La estensión total del archipiélagu ye de 2307 km².

     Les Islles pasaro a pertenecer a Grecia tres la Primer Guera Mundial, pero son reclamaes pol Duce Mussolini que les intenta invadir en 1923 cola escusa de que yeren históricamente italianes. Son ocupaes na segunda guerra Mundial por un exércitu italu-alemán en 1941. En 1944, tres la cayía d’Italia, los alemanes se fain col control d’elles, non sin enantes masacrar a les tropes italianes ellí acantonaes. Pocu antes del fin de la guerra, les islles son recuperaes y tornaes a Grecia.

     Nel intre la moneda aparez una estrella de siete puntes que representen les islles cola leenda 150 ΧΡΟΝΙΑ ΑΠΟ ΤΗΝ ΕΝΩΣΗ ΤΩΝ ΕΠΤΑΝΗΣΩΝ ΜΕ ΤΗΝ ΕΛΛΑΔΑ 1864-2014 ΕΛΛΗΝΙΚΗ ΔΗΜΟΚΡΑΤΙΑ (150u Aniversariu de la Xunión de les Islles Xóniques con Grecia 1864-2014 República Helena). So ello, la marca de la ceca de Halandri. Ente les puntes de la estrella aparecen los símbolos identificativos de les islles. Siguiendo les aguyes del reló dende les doce en puntu, les imáxenes simbolicen les siguientes islles: Corfú pol Apedalos Naus (ΑΠΗΔΑΛΟ ΝΑΥΣ), barcu ensin aparatu de gobiernu; Zakynthos o zante pol trípode sacrificial d’Apolu;  Itaca con Odiseu (Ulises pa los llatinos) col sombreru antiguu Píleo (ΠΙΛΟ); Paxos col tridente (ΤΡΙΠΟΥΣ), sigún la mitoloxía Poseidón golpeó la islla Corfú, col so tridente, partiéndolu en dos, Paxos y Antipaxos; Citera, la islla d’Afrodita celestial, simbolizada pol surdimientu de la mar de la diosa (ΚΥΘΕΡEΙΑ ΑΦΡΟΔΙΤΗ); Léfkada o Léucades tá representada pol Farpa d’Apolu (ΑΠΟΛΛΏΝΙΑ ΆΡΠΑ); y pa finar, l’emblema de Cefalonia ye’l so míticu héroe Céfalo, representáu col so perru y una llanza. Fínase’l diseñu con una especie gráfila en forma foles alredor del grabáu

     Nel aniellu esterior les doce estrelles de la Xunión Europea.

No hay comentarios:

Publicar un comentario