2013: Xuntanza de Creta a Grecia

Motivu conmemorativu: 100^u Aniversariu de la xuntanza de Creta a Grecia

Tirada: 750.000               Fecha d’emisión: 1^u d’ochobre

     A pesar de la so conexón histórica cola Grecia continental, la isla de Creta siempre foi una llambionada perestratéxica ocupada por romanos, árabes, venecianos y otomanos. Varies revueltes escontra estos últimos invasores durante la segunda mitá del sieglu XIX, llograron que’n 1898 la islla pasare a ser autónoma baxo el gobiernu del príncipe Xurde de Grecia. Nel añu 1913 pasó a ser parte íntegra del Estáu griegu en virtú del Tratáu de Londres tres la guerra los Balcanes del 1912-13.

     Nel intre la moneda aparez una representación simbólica de la llucha de Creta escontra los otomanos pola xuntanza con Grecia; dellos cretenses armaos ondeen la bandera histórica de Creta, arrodiaos por vexetación típica de la islla. Baxo’l grabáu la lleenda 100 ΧΡΟΝΙΑ ΑΠΟ ΤΗΝ ENΩΣH THΣ KPHTHΣ ME THN ΕΛΛAΔA (100 años de la xuntanza de Creta a Grecia); per riba el nome del país emisor, ΕΛΛΗΝΙΚΗ ΔΗΜΟΚΡΑΤΙΑ (República Helena) y, a mandrecha, la marca de la ceca de Halandri colos años 1913-2013. Nel exergu, les sigles de artista G. Stamatopoulos ΣΤΑΜ.

     Nel aniellu esterior les doce estrelles de la Xunión Europea.