Motivu conmemorativu: Esposición Internacional de Milano
Tirada: 3.500.000 Fecha d’emisión: 22 de xunetu
La Espo Internacional de Milano cellebrose
ente’l 1u de mayu y el 31 d’ochobre; la temática foi “Alimentar el
planeta, enerxía pala vida”. Los participantes tovieron qu’escoyer ente les
siguientes estayes: Ciencia pala seguridá y calidá alimentaria; innovación na
cadena d’abastu d’alimentos agropecuarios; teunoloxía pala agricultura y la
biodiversidá; educación nutricional, solidaridá y cooperación n’alimentos;
alimentos pa meyores niveles de vida; alimentos nes cultures del mundu y grupos
étnicos.
Nel intre
la moneda aparez una composición que representa la fertilidá de la Tierra:
nun semicírculu a mou d’esfera terrestre, una semiente regada con agua espera a
guañar; per enriba la Tierra, una vid, una caña d’olivu y una espiga crecen
partiendo d’un tueru. Alredor del grabáu, la lleenda NUTRIRE IL PIANETA; a
manzorga, les iniciales de la grabadora Maria Grazia Urbani (MGU); a
manderecha, el monograma del país emisor y la marca de la ceca de Roma; no
baxo, el logotipu de la Espo de Milano EXPO MILANO 2015 (según como miremos,
les lletres EXPO camuden a la cifra 2015).
Nel aniellu
esterior les doce estrelles de la Xunión Europea.
No hay comentarios:
Publicar un comentario