16/6/16

2015: Serie Historia Constitucional. República


Motivu conmemorativu: República de Malta

Tirada: 400.000              Fecha d’emisión: setiembre

     Si bien Malta algamó la so independencia en 1964, caltuvo a la rena Isabel II como xefa del Estáu. Foi a partir del 13 d’avientu de 1974 cuando’l país, col votu mayoritariu del Parllamentu, tresfórmase nuna república, diento de la Commonwealth y con un Presidente como xefe d’estáu. Como los británicos nun colen d’un llugar asina de cualquier mou, inda caltuvieron nes sos manes el control  de los puertos, aeropuertos, correos, radio y televisión hasta’l 31 de marzu de 1979.

     Nel intre la moneda aparez una placa de mármol asitiada na fachada del Palaciu Presidencial de La Valletta pa conmemorar el pasu de la monarquía a la república. A mandrecha, en semicírculu, el nome del país emisor MALTA cola lleenda Republic 1974. Sol diseñu, l’añu d’emisión 2015.

     Nel aniellu esterior les doce estrelles de la Xunión Europea.
 

No hay comentarios:

Publicar un comentario