2009: Emisión común na XE

Motivu conmemorativu: 10^u Aniversariu de la Xunión Económica y Monetaria.

Tirada nos P. Baxos: 5.300.000                Fecha d’emisión: 1^u xineru

Tirada total na XE: 84.085.000.000

     El diseñu foi escoyíu polos ciudadanos de la Xunión Europea mediante votación per Internet y ye creación de George Stamatopoulos (Γεώργιος Σταματόπουλος), diseñador del departamentu d’acuñación del Bancu de Grecia. Los internautes tuvieron que votar ente cinco diseños escoyíos por tolos direutores de ceca de la eurozona.

     Nel intre aparez una figura humana d’aspeutu primituvu cuyu brazu izquierdu ta prolongáu pol símbolu del euru. Alredor del diseñu, la lleenda col nome del país emisor NEDERLAND EMU (economische en monetaire unie) y los años de la conmemoración 1999-2009 (2009 tamién ye’l añu emisión). Les iniciales del diseñador, ΓΣ, tan sol símbolu del euru. Les lleis holandeses obliguen a introducir la efixe’l rei nes sos monedes, pero una enmienda aprobada pol Parllamentu fexo que se desimiera d’esta norma a les monedes conmemoratives comunes a tola euruzona.

     Nel aniellu esterior, les doce estrelles de la Xunión Europea. Les marques de la ceca d’Utrech y el so direutor allenden la estrella de les seis en puntu.

     Otros países emisores: Alemaña, Austria, Bélxica, Eslovaquia, Eslovenia, España, Finlandia, Francia, Grecia, Irlanda/Eire, Italia, Luxemburgu, Malta, Portugal y Xipre.