2014: Independencia de Luxemburgu

Motivu conmemorativu: 175^u Aniversariu de la  independencia de Luxemburgu

Tirada: 500.000           Fecha d’emisión: febreru

     En 1815, el Congresu de Viena ascendió al Ducáu de Luxemburgu al rangu de Gran Ducáu y otorgando-y cierta autonomía, pero mantúvolu vinculáu, por xunión personal, a los Países Baxos. Dambos dos territorios diben tar gobernaos pol soberanu Guillermu I d’Orange Nassau, a la postre, rei de los Países Baxos y gran duque de Luxemburgu.

     El Tratáu de Londres de 1839 marcó’l puntu partida real del Estáu luxemburgués: dixebró’l país en dos; la mitá francófona pasó a formar parte de Bélxica y, la otra mitá xermanófona, conformó’l Gran Ducáu d’anguañu. Ye a partir d’equí cuando va dir construyéndose la identidá nacional de Luxemburgu.

     Nel intre, la moneda aparez dixebrada en tres campos; nel primeru, a manzorga, vense los años 1839 - 2014 (esti últimu ye tamién l’añu d’emisión y tá allendáu poles marques de la ceca d’Utrech, Paises Baxos, y la del so direutor) y el nome del país emisor LËTZEBUERG. El segundu campu, a mandrecha, lleva la efixe del gran duque Henri I, y el tercer campu inferior, lleva la lleenda ONOFHÄNGEGKEET 175 Joër (Independencia 175 Años).

     Nel aniellu esterior les doce estrelles de la Xunión Europea.