2015: Presidencia letona d’Europa

Motivu conmemorativu: Presidencia letona del Conseyu d’Europa

Tirada: 1.000.000              Fecha d’emisión: 10 de febreru

     El primer semetre de 2015 Letonia asume la presidencia del Conseyu d’Europa tres Italia. La so llínia de trabayu dirá por algamar una Europa competitiva, dixital y comprometida. No referente a I+i, les sos prioridaes pasen pola operatividá conxunta de los programas COSME y Horizonte2020; política espacial; desendolcu del ERA (Espaciu Européu d’investigación) y la so fueya de ruta; facer la fueya de ruta del ESFRI (European Strategy Forum on Research Infrastructures) y del instrumentu ERIC (European Research Infrastructure Consortium).

     Nel intre la moneda aparez una representación arquetípica d’una          rueda molín, logotipu de la Presidencia de Letonia del Conseyu de la Xunión Europea. Alredor, la lleenda LATVIJAS PREZIDENTŪRA ES PADOMĒ (Presidencia Letona del Conseyu de la XE) y EU2015.LV, esto ye, l’abreviatura d’Europa, l’añu emisión y l’abreviatura del país emisor (a la par que la páxina web de la Presidencia).

     Nel aniellu esterior les doce estrelles de la Xunión Europea.