2015: Construcción del primer castiellu

Motivu conmemorativu: 800^u Aniversariu de la construcción del primer castiellu na Roca

Tirada: 10.000               Fecha d’emisión: 14 payares

     El primer asentamientu conocíu de Mónacu data del Imperiu Romanu, allá pel añu 122. Esti puertu natural ya yera conocíu polos fenicios, pueblu qu’instauró per estes zones del Mediterraneu el cultu al dios Melkart, rebautizáu polos romanos como Hércules Monoikos; dafechu, el primer nome conocíu del llugar foi Portus Hercules Moneici, d’aú deriva’l nome del país, ya que’l puertu ye conocíu pol nome de Monte-Carlo.

     La nomada Roca, ye un monte que domina el puertu y tién una bona visión de la mar. Nel añu 1191 faise ellí una fortaleza tres la toma del puertu pola República de Xénova. Realmente foi una entrega por parte del emperador del Sacru Imperiu Enrique IV pa que los xenoveses protexeran la costa de pirates bereberes. Xénova, como bona comerciante, amplió el territoriu mercando terrenos al Conseyu de Peille y a los monxos de l’abadía de Saint Pons. En 1215, entamáronse los trabayos d’una nueva fortaleza con cuatro torres coneutaes y protexíes por una muria; ésti ye’l orixe del palacio d’aguañu.

     La tirada ye perescasa porque solo sacaron monedes en calidá proof pa colleicionistes.

     Nel intre la moneda aparez una torre sobre la Roca. Sol diseñu y en semicírculu, vese la lleenda 1215 FONDATION DE LA FORTERESSE 2015; ente los años y la frase conmemorativa aparecen dos diamantes ornamentales. No cimero, el nome del país emisor MONACO allendáu poles marques de la ceca de Pessac (Francia) y el direutor de la mesma.

     Nel aniellu esterior les doce estrelles de la Xunión Europea.