2013: Serie Emblemes Nacionales

Motivu conmemorativu: Himnu Nacional

Tirada: 1.400.000           Fecha d’emisión: 7 payares

     L’himnu nacional de Luxemburgu ye’l Ons Heemecht (Nuesa Tierra). Michel Lentz escribió la lletra en 1859, y Jean Antoine Zinnen púnxo-y música en 1864. El canciu foi interpretáu por primer vez en públicu en Ettelbruck, ciudá asitiada na confluencia de los ríos Alzette y Sauer (dambos dos menciónense nel canciu), el 5 xunu de 1864.

     La primer y última estrofa de Ons Heemecht adautáronse como himnu nacional de Luxemburgo en 1895. Foi añadíu de forma oficial como ún de los emblemes nacionales, xunto la bandera nacional, l’escudu d’armes nacional, y el cumpleaños oficial del gran duque rexente’l 17 de xunu de 1993.

     Nun hai que confundir toos estos emblemes nacionales colos emblemes de la familia gran ducal, la cual tién el so propiu escudu (que tampoco tién porqué coincidir col escudu d’armes del gran duque rexente) y el so propiu himnu, el De Wilhelmus.

     Nel intre aparez la efixe del gran duque Henri I mirando pala partitura y la lletra del himnu nacional. So ellos, el nome del país emisor LËTZEBUERG y l’añu d’emisión 2013 cola marca la ceca d’Utrech (Paises Baxos) y del direutor de la mesma.

     Nel aniellu esterior les doce estrelles de la Xunión Europea.