28/6/16

2013: 200 años de monarquía


Motivu conmemorativu: 200u Aniversariu de los Países Baxos como Reinu

Tirada: 3.500.000               Fecha d’emisión: 25 payares

     Hasta 1795 Holanda yera una república, la República de los Siete Países Baxos Xunios. Tres la invasión francesa, conformaron una xuntanza col nome de República Bátava. En 1806, l’hermanu de Napoleón, Lluis Napoleón Bonaparte, foi coronáu como Lluis I d’Holanda, y en 1813, Holanda algama la so independencia de Francia y calteniéndose como reinu.

     Nel intre la moneda aparecen los retratos de los siete príncipes de los Países Baxos, entamándose, dende dientro haza fora, colos reis Guillermu I, Guillermu II, Guillermu III, les reines Guillermina I, Xuliana I y Beatriz I pa finar col rei d’anguañu Guillermu Xandru I xuníos por una cinta. Soles tiestes l’añu d’emisión 2013 allendáu poles marques de la ceca d’Utrech y el so direutor. Alredor del diseñu, la lleenda col títulu del rei WILLEM-ALEXANDER KONING DER NEDERLANDEN y la conmemoración 200 JAAR KONINKRIJK.

     Nel aniellu esterior les doce estrelles de la Xunión Europea.

No hay comentarios:

Publicar un comentario