Motivu conmemorativu: Representación mayoritaria
Tirada: 430.000 Fecha d’emisión: 15 d’ochobre
Tres algamar la posibilidá de tener
miembros elleutos nel Conseyu Gobernación, los malteses decatáronse de que
delles decisiones nun yeren p’aprobales nin poneles en práutica, ya que yeren
una minoría deintro’l Conseyu, controláu dafechu pol gobernador británicu. Entama
entós a medrar un movimiento civil cola idega de trabayar por esa mayoría representativa.
Gran Bretaña nun yera mui partidaria de tala cosa, ya que pa ellos, Malta yera
una plaza estratéxica nel Mediterráneu. Asemeyando les xuntances d’Italia en
1861 y Alemaña en 1871, los malteses fixeron un frente políticu común sol
Partito Nazionale del Dr. Fortunato Mizzi. En 1887 algamaron l’ansiada mayoría
elleuta y conformando un Gobiernu Representativu. Los intentos
d’anglicanización, asina como un temor d’irredentismu o de proselitismu, frayó
esti suañu en 1903. Y asina quedó too hasta 1921, añu nel qu’algamó Malta
l’autogobiernu.
Como curiosidá d’esta moneda, decir que
sufrió delles modificaciones nel diseñu, al parecer, nel orixinal, les cares de
la xente grabada yeren enforma fees.
Nel intre
la moneda aparez una bayura xente delantre del Palaciu del Gobernador en La
Valetta. Nel borde superior derechu,el
nome del país emisor MALTA cola lleenda First elected representatives 1849. El diseñu
ye de Gianni Bonnici y foi acuñada na ceca d’Utrech (Países Baxos).
Nel aniellu
esterior les doce estrelles de la Xunión Europea.
No hay comentarios:
Publicar un comentario