10/6/16

2014: Serie Familia Gran Ducal


Motivu conmemorativu: 50u Aniversariu de l’ascensión al tronu del gran duque Jean

Tirada: 500.000           Fecha d’emisión: 6 de payares

     Jean Benoît Guillaume Robert Antoine Louis Marie Adolphe Marc d’Aviano de Nassau (5 xineru de 1921). Fíu de la gran duquesa Charlotte y del príncipe Félix de Borbón-Parma. Convirtiose en gran duque el 12 de payares de 1964 pola abdicación de so má. Y elli mesmu abdicó el 7 d’ochobre de 2000 en favor del so fíu Henri. Caltién el tratamientu de So Alteza Real

     Cola invasión del so país poles tropes alemanes durante la II Guerra Mundial, coló esiliáu pa Inglaterra. Alistose voluntariu nel exércitu británicu formando parte del Reximientu de Guardia Irlandesa y algamando’l gráu de teniente en 1943 y capitán en 1944. Combatió en Normandía y Caen y participó na lliberación de Bruseles y Luxemburgu.

     Nel intre la moneda aparecen les efixes de les Sos Alteces Reales el gran duque Henri y el gran duque Jean, mirando dambos dos haza manzorga y coronaos. Sobre la tiesta Jean, l’añu de la so entronización 1964. So ellos, los respeutivos nomes Jean y Henri  col añu d’emisión 2014 allendáu poles marques de la ceca d’Utrech (Países Baxos) y el so direutor. Alredor del diseñu la lleenda 50º ANNIVERSAIRE DE L’ACCESSION AU TRÔNE DU GRAND-DUC JEAN.

     Nel aniellu esterior les doce estrelles de la Xunión Europea.
 

No hay comentarios:

Publicar un comentario