3/11/15

2011: Serie Familia Gran Ducal



Motivu conmemorativu: 50u Aniversariu del nomamientu de Jean de Nassau-Weilburg como Lieutenant-Représentant

Tirada: 1.400.000           Fecha d’emisión: 28 xineru

     En 1961, tres años enantes de la so abdicación, la gran duquesa Charlotte I nomó al so fiu Jean Lieutenant-Représentant, un cargu pol cual -y transfería la mayor parte de los sos poderes ensin llegar a abdicar del too. Jean fexo lo mesmo col so fiu Henri dos años enantes de la so propia abdicación.

     Nel intre la moneda aparez la efixe del gran duque Henri I superpuesta a les efixes del gran duque Jean y de la gran duquesa Charlotte. Diseñador, Alain Hoffmann. Enriba d’ellos, el nome del país emisor LËTZEBUERG y l’añu d’emisión 2011, cola marca la ceca d’Utrech (Países Baxos) y la del direutor de la mesma. Los nomes de les sos Alteces Reales figuren so la efixe de ca ún.

     Nel aniellu esterior les doce estrelles de la Xunión Europea.

No hay comentarios:

Publicar un comentario