2008: Declaración Universal de los Drechos Humanos

Motivu conmemorativu: 60^u Aniversariu de la Declaración Universal de los Drechos Humanos

Tirada: 5.000.000               Fecha d’emisión: abril

     La Declaración Universal de los Drechos Humanos ye un documentu aprobáu’l 10 d’avientu de 1948 en París, pol Conceyu Xeneral de les Naciones Xuníes. Esti documentu recueye los drechos básicos del home en 30 artículos. El documentu redactolu un comité de la Comisión de Drechos Humanos de les Naciones Xuníes formáu por Eleanor Roosevelt (Estáos Xuníos), René Cassin (Francia), Charles Malik (Líbanu), Peng Chun Chang (China), Hernán Santa Cruz (Chile), Alexandre Bogomolov/Alexei Pavlov (Xunión Soviética), Lord Dukeston/Geoffrey Wilson (Reinu Xuníu) y William Hodgson (Australia). John Peters Humphrey (Canadá), direutor de la División de Drechos Humanos de la ONG, tamién aportó el so llabor. La Declaración foi sometía a votación y foi aprobada por 48 votos a favor, nengún escontra y 8 abstenciones.

     Nel intre la moneda aparecen les figures d’un home y una muyer colos símbolos del drechu a la paz, a la xinta, al trabayu y a la llibertá representaos mediante un ramu d’olivu, una espiga trigu, una rueda dentada y un alambre de púes cortáu. Ente dambes dos figures tan inscritos l’anagrama de la República Italiana, RI, y l’añu d’emisión 2008. Na parte inferior de la imaxe aparecen los eslabones d’una cadena que faen la cifra 60 y la lleenda DIRITTI UMANI; a manderecha, les iniciales de la grabadora Maria Carmela Colaneri, MCC, y la marca de la ceca de Roma.

     Nel aniellu esterior les doce estrelles de la Xunión Europea.

     Bélxica y Finlandia tamién sacaron esti añu una moneda conmemorativa dedicada a esti eventu.