Motivu conmemorativu: Sée Vacante 2013
Tirada: 111.000 Fecha d’emisión: 3 de xunu
L’11 febreru del 2013 Benedictu XVI
anunciaba la so renuncia como Papa a partir de les 20:00 hores del día 28
febreru. El 13 marzu los Cardenales elleutores escoyeron a Jorge Mario
Bergoglio como Papa col nomatu de Xicu I.
 |
| L’escudu Bertone |
El periodu
ente los dos acontecimientos foi marcáu como Sée Vacante y presidíu pol
Camarlengo Tarcisio Pietro Evasio Bertone. Nun se sacó una serie de monedes
sinon que se fexo una moneda conmemorativa de 2 euros como testimoniu (una llei de 2012 nun permite emitir series de monedes en períodos d’interregnos,
gobiernos provisionales o sées vacantes).
Nel intre
la moneda vese l’escudu d’armes
de Tarcisio Bertone arropáu polos emblemes de Cardenal, Arzobispu y Camarlengo
y con una vitola cola lleenda FIDEM CUSTODIRE CONCORDIAM SERVARE. Alredor del
diseñu, la lleenda + CITTA’ DEL VATICANO + SEDE VACANTE MMXIII (l’añu d’emisión en númberos romanos). So l’agarraera
de la llave izquierda la marca de la ceca romana (R). So l’escudu, la firma del
diseñador P. DANIELE y la grabadora Maria Carmela Colaneri (M.C.C. cola
abreviatura INC d’INCISORE, grabador
n’italiano, o INCIDIT grabolo en
llatín).
Nel aniellu
esterior, les doce estrelles de la Xunión Europea.
No hay comentarios:
Publicar un comentario