2009: Louis Braille

Motivu conmemorativu: II Centenariu del nacimientu de Louis Braille

Tirada: 2.000.000               Fecha d’emisión: 30 payares

     Louis Braille (1809-1852) foi un pedagogu francés que diseñó un sistema d’escritura, llectura y notación musical pala xente con discapacidá visual. Elli mesmu quedó ciegu siendo bien neñu, lo que nun –y impidió ser un notable estudiante.  Estudiando’l método de criptografía militar de Charles Barbier, creó’l so propiu código táctil pa ciegos facilitándo-yos la llectura y escritura d’un mou muncho más rápidu que los métodos esistentes.

     Nel intre la moneda aparez una mano lleendo col tautu un llibru abiertu. El déu índiz señala la lleenda en vertical LOUIS BRAILLE 1809-2009; enriba la man, dos páxaros esnalando simbolicen la llibertá del conocimientu. Na parte superior derecha tá l’anagrama de la República Italiana, RI, y na parte inferior, la marca de la ceca de Roma. Sol llibru tá escritu’l nome completu de Braille nel alfabetu qu’inventó. Na parte inferior figuren les iniciales de la grabadora Maria Carmela Colaneri, MCC.

     Nel aniellu esterior les doce estrelles de la Xunión Europea.

     Bélxica tamién sacó esti añu una moneda conmemorativa dedicada a esti eventu.