3/11/15

2011: XIII Xuegos Olímpicos Especiales

Motivu conmemorativu: Organización de los XIII Xuegos Mundiales de Branu d’Olimpiaes Especiales n’Atenes

Tirada: 1.000.000               Fecha d’emisión: 30 de mayu

     Dende’l 25 xunu al 4 xunetu de 2011 tuvieron llugar, n’Atenes, estos Xuegos Olímpicos p’atletes con discapacidá síquica organizaos por Special Olimpics. Estos xuegos foron fundaos pel añu 1968 por Eunice Kennedy Shriver. Compiten estos atletes en 26 deportes, adautaos a les dixebres discapacidaes y asina empareyar competidores según el so nivel capacitivu.

     Nel intre la moneda aparez l’emblema de los xuegos: un sol radiante, fonte de vida que sobraya la escelencia y la potencia de los atletes que participen nos Xuegos. La escelencia tá representada pola rama d’olivu, y la potencia, pola espiral que parte del centru’l sol. Alreor del borde esterior derechu figura la lleenda XIII SPECIAL OLYMPICS W.S.G. ATHENS 2011 y el nome del país emisor, ΕΛΛΗΝΙΚΗ ΔΗΜΟΚΡΑΤΙΑ (República Helena), cola marca de la ceca de Halandri.

     Nel aniellu esterior les doce estrelles de la Xunión Europea.

No hay comentarios:

Publicar un comentario