3/11/15

2011: Xuntanza Italiana


Motivu conmemorativu: 150u Aniversariu de la Xuntanza Italiana

Tirada: 10.000.000               Fecha d’emisión: 22 d’abril

     Dende’l desaniciu del Imperiu Romanu, los pueblos d’Italia nun volveríen a xuntase nun solu estáu hasta 1861. El primer procesu de xuntanza entamó tres la derrota de Napoleón I y durante’l Congresu de Viena en 1817, añu nel qu’Italia quedó dixebrada en siete estaos: el Reinu de Piamonte-Cerdeña,  el Reinu de Dos Sicilies, los Estaos Pontificios, el Reinu de Lombardia-Venecia y los Ducados de Parma, Módena y Toscana). Pero ye a partir de la segunda metá del sieglu XIX cuando surden dellos movimientos revolucionarios (a quén nun –y sona’l nome de Garibaldi), guerres d’independencia y coquistes cuando Italia algama la xuntanza definitiva allá pel 1861.

     Nel intre la moneda vense tres banderes italianes ondeando al vientu, que representen los tres períodos de cincuenta años trescorríos dende‘l nacimientu de la República Italiana (1861-1911, 1911-1961 y 1961-2011) como exemplu de perfeutu nexu ente xeneraciones. A lo llargo’l borde superior qu’arrodia les tres banderes, la lleenda 150º DELL’UNITA’ D’ITALIA. A mandrecha, anagrama del país emisor, RI, y soles banderes, les feches 1861 › 2011 › ›. Baxu les feches, aparez la marca de la ceca de Roma y, al so llau, les iniciales del grabador Ettore Lorenzo Frapiccini y l’abreviatura d’INCISORE (grabador n’italiano) o INCIDIT (grabolo en llatín): ELF INC.

     Nel aniellu esterior les doce estrelles de la Xunión Europea.

No hay comentarios:

Publicar un comentario