Según les lleis luxemburgueses, toles monedes que s’emitan nel país han de llevar grabada la efixe del gran duque. Les monedes conmemoratives nun diben ser menos, polo que’l diseñador ha d’integrar al gran duque como puea. La ceca habitual ye la d’Utrech (Paises Baxos) cola consiguiente marca de ceca y direutor de la mesma, salvo les monedes del 2005 y 2006, que foron acuñaes en Vantaa (Finlandia) cola so marca de ceca ya inicial del país acuñador, y les del 2007 y 2008, acuñaes en Pessac (Francia) cola so marca de ceca y la del direutor de la mesma. A partir del 2018, les marques nes monedes varíen según el destín de la moneda. Pa les de circulación y UNC pasen a ser el llión luxemburgués y la marca de la ceca d’Utrech; nes acuñaes específicamente pa colleicionistes, BU o PROOF, apaecen la marca de la ceca d’Utrech y la del so direutor. El cantu vien grabáu como’l de la moneda de dos euros tipu:
Otra carauterística propia de les acuñaciones luxemburgueses ye que podemos atopamos la mesma moneda grabada en dos formatos: ún tradicional y l’otru cola téunica del gofráu, esto ye, como si fuere una semeya (en xoyería vese muncho esti tipu de grabáu en medayes de tipu familiar o d’alcordanza).
La temática de les conmemoraciones oriéntense haza una Serie de la Dinastía Gran Ducal, otra a una Serie de les Residencies Oficiales y otra a una Serie de los Emblemes Nacionales (estos son: l’himnu, la bandera y l’escudu nacionales, asina como’l cumpleaños del gran duque).
Marques oficiales nes monedes
Marques particulares (Privy marks) nes monedes
Llistáu de monedes conmemoratives de 2 euros (2004-2010)
Llistáu de monedes conmemoratives de 2 euros (2011-2020)
2016: 50 Aniversariu de la Ponte gran duquesa Charlotte
2017: 200 Aniversariu del nacimientu del gran duque Guillaume III
2017: 50 Aniversariu del serviciu Militar voluntariu
2018: 150 Aniversariu de la Constitución Luxemburguesa
2018: 175 Cabudañu del gran duque Guillaume I
Llistáu de monedes conmemoratives de 2 euros (2021-2030)
No hay comentarios:
Publicar un comentario