Tirada: 30.000.000 Fecha
d’emisión: xineru
Nel intre reproduzse’l castiellu de
Neuschwanstein cola barbacana en primer fila delantre los torrexones
del castiellu y los montes de fondu; so ello la lleenda BAYERN (Babiera). La lletra la ceca aparez a mandrecha y les
iniciales del grabador Π(Ott Erich) a
manzorga del grabáu.
El rei Lluís II de Babiera, el rei llocu, mandó construyir el Schloss Neuschwanstein n’honor del so almiráu compositor Richard Wagner, el cual nunca nun lu visitó. La obra féxose ente 1869 y 1886, añu de la muerte del rei y que malapenes lu disfrutó. Pura fantasía romántica esti proyeutu qu’empasta perfeutamente colos montes y la natura que lu arrodien. L’intre del mesmu nun diba ser menos: personaxes de leenda como Tristan e Isolda, o reales, como’l rei Fernando El Católicu, enllenen les sos dependencies. Nun reparó en gastos el nuesu Lluis, asina tenía una bien completa instalación de lluz llétrico per tol castiellu, una cocina diseñada p’aprovechar el calor según un métodu del mesmísimu Leonardo da Vinci ya inclusu el primer teléfonu móvil de la hestoria con una cobertura de 6 metros. LLuis II dexó Munich pa vivir na so fantasía en 1884 y asina vixilar les obres. La vista dende la so habitación haza los Alpes (cascada incluyía) ye de pasmu. Walt Disney inspirose n’esta xoya pa facer el so castiellu de la Bella Durmiente.
Nel aniellu
esterior vemos les doce estrelles de la Xunión Europea, col añu d’emisión
2012 allendando la estrella de les seis en puntu. La marca identificativa del
país (D) ente les estrelles de la una y les dos.
No hay comentarios:
Publicar un comentario