Motivu conmemorativu: 75u Aniversariu del
nacimientu del Estáu de la Ciudá del Vaticanu (Tratáu de Letrán)
Tirada: 85.000 Fecha d’emisión: 16 d’avientu
Cola ocupación de los Estáos Pontificios
pol exércitu italianu en 1870, fínase la Xuntanza Italiana. Pal nuevu estáu, Roma tenía
que ser la capital, daqué que refugaben los papes. Poro, Píu IX acantónase na
Basílica San Pedru y los edificios tres la muria defensiva del recintu
Vaticanu. Asina pasaron 50 años ensin que nengún papa saliere d’esta prisión
voluntaria hasta que Mussolini firmó’l Tratáu
de Letrán en 1929, pol qu’Italia reconocía la soberanía d’un estáu
pontificiu dientro de Roma.
Nel intre
muéstrase una representación esquemática de les muries de la Ciudá del
Vaticanu cola Basílica y la Plaza de San Pedru arrodiada pola columnata de
Bernini. La lleenda 75º ANNO DELLO STATO 1929-2004 y la marca de la ceca de
Roma (R), aparez alrodiu de la mitá superior. Na parte inferior derecha, en
lletres pequeñes, alcuéntrase el nome del diseñador, VEROI y les iniciales de
la grabadora Luciana de Simoni (L.D.S.) cola abreviatura INC (d’INCISORE grabador n’italiano, o INCIDIT grabolo en llatín).
Nel aniellu
esterior, les doce estrelles de la XE y la lleenda CITTA' DEL VATICANO.
No hay comentarios:
Publicar un comentario