2018: Constitución luxemburguesa

Semeya:Collectorcoins

Motivu conmemorativu: 150 Aniversariu de la Constitución luxemburguesa

Tirada: 500.000           Fecha d’emisión: Xineru

     La primer Carta Fundamental de la nación foi promulgada’l 12 d’ochobre de 1841 y entró en vigor el 1^u de xineru de 1842. Ensin embargu, sufrió dellos cambeos radicales en 1848, 1856 y caberamente en 1868 (foi promulgada’l 17 d’ochobre d’esti añu). Una Constitución tan llonxeva nun diba tar llibre de modificaciones, y asina foi: en 1919, por exemplu, camudose pa que la soberanía nacional s’afincare nel pueblu; en 1948 el Gran Ducáu delarose independiente ya indivisible, sancionose por llei la igualdá llingüística ente’l francés y l’alemán y estendiose’l sufraxu tamién a tolos ciudadanos qu’habitaben fora’l Gran Ducáu… y asina hasta otres 31 vegaes (cuntaes hasta’l 2009).

     Nel intre, na parte superior, aparez a manzorga’l bustu del gran duque Henri I y a mandrecha los años 1868 (añu del fechu) y 2018 (añu del anivesariu a la par qu’añu d’acuñación) allendaos pol llión gran ducal y la marca de la ceca d’Utrech (Países Baxos); entama equí, pa seguir llueu pela parte inferior la leenda 150ANS CONSTITUTION DU GRAND-DUCHÉ DE LUXEMBOURG, finando’l diseñu con un llibru abiertu na parte baxo.

     Nel aniellu esterior les doce estrelles de la Xunión Europea.

Fonte: Wikipedia. Constitución de Luxemburgo (castellán).