2021: Serie Familia Gran Ducal: Gran duque Jean

 

Semeya: collectorcoins

Motivu conmemorativu: Centenariu del nacimientu del gran duque Jean 

Tirada: 500.000           Fecha d’emisión: Xineru

     Jean Benoît Guillaume Robert Antoine Louis Marie Adolphe Marc d'Aviano de Nassau-Weilburg, Xuan pa los collacios. Nació en 1921 y ascendió al tronu en 1964 hasta’l 2000. Morrió en 2019. Fíu de la gran duquesa Charlotte y del príncipe Félix de Borbón-Parma. Convirtiose en gran duque el 12 de payares de 1964 pola abdicación de so má. Y elli mesmu abdicó el 7 d’ochobre de 2000 en favor del so fíu Henri. Calteniendu’l tratamientu de So Alteza Real.

     Cola invasión del so país poles tropes alemanes durante la II Guerra Mundial, coló esiliáu pa los Estaos Xuníos. Alistose voluntariu nel exércitu británicu formando parte del Reximientu de Guardia Irlandesa y algamando’l gráu de teniente en 1943 y capitán en 1944. Combatió en Normandía y Caen y participó na lliberación de Bruseles y Luxemburgu.

 

     Casose en 1953 cola princesa Xosefina Carlota, fia del rei Leopoldu III de Bélxica. Esti ye’l monograma de la parexa.

     Nel intre la moneda apaecen les efixes de les Sos Alteces Reales el gran duque Henri y el gran duque Jean colos sos nomes y tres delles construcciones emblemátiques de Luxemburgu. L’añu nacencia de Xuan, al so lláu: 1921. El so títulu real apaez en luxemburgués, GROUSSHERZOGE VU LËTZEBUERG, que fai tamién referencia al  país emisor. So la ponte, l’añu emisión 2021. Llíndien la estrella de les seis les marques de ceca y direutor de la mesma.

     Ye la tercer moneda que saca Luxemburgu dedicada al gran duque Jean. La primera foi en 2011, cellebrando’l so nomamientu como Lieutenant-Représentant, y la segunda en 2014 pa cellebrar la so entronización.

 

Fontes: Diariu oficial de la XE a traviésd’eurocoin (castellán)

             BCE. El euro (castellán)

             Numismática visual (castellán)

             Wikipedia: Xuan de Luxemburgu