2005: Tratáu d’Estáu d’Austria

 

Motivu conmemorativu: 50^u Aniversariu del Tratáu d’Estáu d’Austria

Tirada: 7.000.000               Fecha d’emisión: 11 de mayu

     Nel intre aparecen les firmes y sellos impresos na última páxina del Tratáu d’Estáu d’Austria de los cuatro Ministros d’Asuntos Esteriores de los países aliaos vencedores de la II Guerra Mundial (Vyacheslav Molotov de la Xunión de Repúbliques Socialistes Soviétiques, John Foster Dulles de los Estáos Xuníos, Harold Macmillan del Reinu Xuníu y Antoine Pinay de Francia), les de los Embaxadores de dichos países (Iván I. Ilichov de la U.R.S.S.,  Llewellyn E. Thompson de los EE. XX., Geoffrey A. Wallinger del R.Xuníu y Roger Lalouette de Francia) y la del entoncies Ministru d’Asuntos Esteriores austríacu, Leopold Figl. El fechu acaeció el 15  mayu de 1955. La lleenda 50 JAHRE STAATSVERTRAG (50 años del Tratáu d’Estáu) aparez sobre los sellos, recorriendo la zona superior nun semicírculu non totalmente perfeutu y lladeáu haza la derecha. Na parte inferior izquierda aparez l’añu d’emisión, 2005. El fondu de tres campos horizontales, dos d’ellos con barres verticales, representa el motivu heráldicu de los colores nacionales austríacos (colloráu, blancu, colloráu) o seya, la bandera. El diseñu ye de Helmut Andexlinger.

     Nel aniellu esterior les doce estrelles de la Xunión Europea. 

     Destacar la calidá del grabáu. Equí podemos ver ampliaos dellos detalles onde distingiríemos bien la foz y el martiellu soviéticos, les siegles JFD del secretariu americanu Dulles o l’aigla yankee nel sellu Thompson.

 

John Foster Dulles

Detalle de los escudos soviéticu y norteamericanu