2011: Serie Bundesländer: Estáu de Nordrhein-Westfalen

                   

Motivu conmemorativu: Estáu de Nordrhein-Westfalen

Tirada: 30.000.000              Fecha d’emisión: 28 xineru

     Nel intre reproduzse la cara sur, xunto col so perguapu pórticu, de la gótica Kölner Dom (Sée-Catedral de Colonia) y la lleenda NORDRHEIN-WESTFALEN (Renania del Norte-Westfalia). La lletra la ceca aparez enriba la catedral y de llau a mandrecha, les iniciales del grabador HH (Heinz Hoyer).

      La catedral ye la sée del Arzobispáu Católicu de la ciudá y tá dedicada a la Virxe María y San Pedru. Ye la más grande d’Alemaña y la segunda del mundu, nel so estilu, tres la de Sevilla. La so construcción entamó nel 1248 finándose ya pel sieglu XIX (foi inaugurada’l 15 d’ochobre de 1880. D’ente les sos 12 campanes destaca la nomada Der dicke Pitter (Pedru el gordu) la xiringona más grande del mundu. Nel intre la catedral suponse que tán los restos de los Tres Reis Magos, dafechu patronos de la ciudá. Foi declarada Patrimoniu de la Humanidá en 1996.

     Nel aniellu esterior vemos les doce estrelles de la Xunión Europea, col añu d’emisión 2011 allendando la estrella de les seis en puntu. La marca identificativa del país (D) ente les estrelles de la una y les dos.