Italia tien la so propia Casa de la Moneda (Istituto Poligrafico e Zecca dello Stato) asitiada en Roma y la so identificación ye una R. La identificación del país ye un monograma coles sigles superpuestes RI de República Italiana. Caltién tamién nes acuñaciones les marques de los diseñadores, dalguna vegada acompañada de la ya perbien conocía abreviatura INC d’Incisore (grabador n’italianu) o Incidit (grabolo, en llatín). El cantu lleva el mesmu grabáu que la de dos euros tipu:
28/8/15
2 euros conmemorativos griegos
Grecia tien la so propia Casa de la
Moneda, asitiada en Halandri; la so marca ye una fueya d’acanthus. Al emplegar
alfabetu cirílicu griegu, abúltanos un poco enguedeyu tornar les sos lleendes;
de tolos móos, quedémonos a lo menos col nome oficial del país: ΕΛΛΗΝΙΚΗ
ΔΗΜΟΚΡΑΤΙΑ (República Helena o Grecia, como ye más conocíu) y el so valor
nominal 2 ΕΥΡΩ (2 EUROS). Delles vegaes apaez tamién la marca del diseñador. El
cantu lleva’l mesmu grabáu que la de dos euros tipu:
2 euros conmemorativos franceses
Francia tién la so propia Casa de la
Moneda, nomada Monnaie de Paris, pero
la so fábrica (la ceca) ta asitiada na ciudá de Pessac; poro, nun ye un res
raro qu’apaeza cualisquier de les dos identificaciones nes publicaciones
especializaes. La so marca ye una cornucopia o cuernu de la bayura; xunto a
ella vién tamién la marca privada del direutor de la ceca. Delles vegaes tamién
apaez la marca del diseñador. El cantu ye igual que’l de la moneda de dos euros
tipu:
2 euros conmemorativos finlandeses
Finlandia tién la so propia Casa de la Moneda (Suomen Rahapaja Oy) en Vantaa, pero nun la fai esclusiva a la hora acuñar monedes, sinon que fai una puya; dafechu, a partir del 2019 sedrá la Nordic Moneta la encargada del llabor. Nes primeres monedes conmemoratives apaecen dos marques privaes: la del direutor de la ceca y la del diseñador del grabáu; na moneda del 2006, súmase-yos l’abreviatura identificativa del país, Fi. A partir del 2008, desapaecen les marques privaes quedando la marca del país emisor y apaeciendo la marca la ceca de Vantaa, una cornucopia, que camudará, nel 2010, pol emblema identificativu del país, un llión, nun círculu. El cantu ye igual que’l de la moneda de dos euros tipu, esceutu na acuñada’l 2005.
27/8/15
2 euros conmemorativos eslovenos
Eslovenia acuña les sos monedes na Casa de
la Moneda d’Utrech (Países Baxos) dende'l 2008, añu en qu'entamó a acuñar euros, tanto les tipu, como les conmemoratives. La única marca identificativa ye la del nome
del país emisor. El cantu va grabáu igual que les monedes de dos euros tipu:
Marques oficiales nes monedes
|
Nome país emisor |
SLOVENIJA |
Llistáu de monedes de 2 euros conmemorativos (2008-2020)
2 euros conmemorativos eslovacos
Eslovaquia tién la so propia Casa de la Moneda, asitiada en Kremnica y el so logu apaez grabáu nes monedes (MK ente dos troqueles y nun círculu). Como marca privada, apaez la del diseñador de la moneda. El cantu vién grabáu igual que les monedes de dos euros tipu: República Eslovaca y una fueya tilar ente dos estrelles.
2 euros conmemorativos vaticanos
Lo mesmo que les monedes tipu, les
conmemoratives vaticanes tan acuñaes pola ceca de Roma, representada por una R.
Decatase tamién de que suelen apaecer les sigles o apellíos del diseñador y/o
del grabador de la moneda; esti últimu, ye reconocible por dir acompañáu pola
abreviatura INC, propia del términu italianu Incisore (grabador) o bien d’una aceición llatina, Incidit (grabolo). El cantu lleva el
mesmu grabáu que les de dos euros tipu:
2 euros conmemorativos españoles
La primer moneda conmemorativa española foi acuñada nel 2005 pa conmemorar los
400 años de la publicación de les aventures del Inxeniosu fidalgu Don
Quixote de La Mancha. Ensin embargu, a la RCM-FNMT prestó-y la idega
alemana de facer una serie colleicionable (y un chisgu pa los colleicionistes)
dedicada, nel casu español, al Patrimoniu de la Humanidá de la UNESCO.
Poro, a partir del 2010 España fadrá una moneda anual conmemorativa dedicada a
dichu patrimoniu nel so territoriu. Tamién destacar qu’a partir d’esti añu
España axusta los diseños de les sos monedes a los requisitos d’Europa.
Nel 2014 España emite por primer vez 2 monedes conmemoratives,
abriendo asina el nuevu camín permitíu poles normes europees.
2 euros conmemorativos belgues
Si bien nes monedes tipu belgues les marques de ceca y el direutor de la mesma nun aparecieron hasta’l 2008, cola segunda serie, nes conmemoratives sí vinieron grabaes dende la primer moneda.
Nel 2006, como identificación del país, apaez una insulsa B ente les estrelles más altes del aniellu esterior.
A partir del 2008, pa cumplir cola norma europea no referente a les estrelles, grábense tolos elementos identificativos nel cuerpu interior de les monedes, apaeciendo, según el diseñu del grabáu, y como identificador del país, el nome del mesmu nes llingües oficiales (francés, neerlandés y alemán) o l’abreviatura BE (dalguna vez tamién emplegen l’inglés ya inclusu’l llatín, sobre too nes sacaes en común pala zona euru).
A partir del 2018 la ceca belga pieslla y pasa a ser ceca oficial la d’Utrech (Países Baxos) apaeciendo la so marca xunto a la del direutor belga. El cantu lleva’l mesmu grabáu que les monedes de dos euros tipu:
Marques oficiales nes monedes (2005-2020)
.jpg)
Marques particulares (Privy
marks) nes monedes (2005-2020)
Llistáu de monedes conmemoratives 2005-2020
2006: L’Atomium
2015: 30 Aniversariu de la Bandera Europea (Tola Euruzona)
2016: Día Internacional de los Neños Desaparecios
2016: Xuegos Olímpicos de Rio de Janeiro
2017: 200 Aniversariu de la Universidá de Gent
2017: 200 Aniversariu de la Universidá de Liège
2018: 50 Aniversariu de los fechos de Mayu del 68 en Bélxica
2018: 50 Aniversariu del Satélite ESRO 2B
2019: 450 cabudañu de Pieter Bruegel, el Vieyu
2019: 25 Aniversariu del Institutu Monetariu Européu
2016: Día Internacional de los Neños Desaparecios
2016: Xuegos Olímpicos de Rio de Janeiro
2017: 200 Aniversariu de la Universidá de Gent
2017: 200 Aniversariu de la Universidá de Liège
2018: 50 Aniversariu de los fechos de Mayu del 68 en Bélxica
2018: 50 Aniversariu del Satélite ESRO 2B
2019: 450 cabudañu de Pieter Bruegel, el Vieyu
2019: 25 Aniversariu del Institutu Monetariu Européu
Llistáu de monedes conmemoratives 2021-2030
2022: 35 Aniversariu del Programa Erasmus (Tola Eurozona)
Suscribirse a:
Entradas (Atom)