 |
|
Semeya: colectorcoins |
Motivu conmemorativu: 130 Años del Art Nouveau/Jugendstil
en Bélxica
Volume d’emisión: 155.000 Fecha d’emisión: 20 xunu
El Modernismu, más conocíu como Art Nouveau, identifica a una novedosa corriente artística nacía y desarrollá ente finales del sieglu XIX y entamos del XX. La tendencia foi francer con toles corrientes artístiques domeñantes del monentu, historicismu, eclécticismu, realismo ya impresionismu, con un nuevu conceptu basáu na observación de la natura y l’emplegu de materiales, agora populares, gracies a la revolución industrial, como l’aceru y el vidriu.
En 1893 Vítor Horta finaba los sos trabayos na Maison Tassel de Bruseles, introduciendo asina’l Modernismu na capital belga. Munchos de los sos collacios, asemeyaron el so trabayu y enllenaron la ciudá de fachaes diseñaes col nuevu estilu; anguañu, hai catalogaes más de 500 xoyes arquiteutóniques n’Art Nouveau en Bruseles, un auténticu parayisu pa los amantes d’esta estaya artística.
Como curiosidá, indicar qu’esta novedosa téunica de trabayu artísticu nun concernía solo a l’arquiteutura, sinon que diba más allá. Tolos elementos interiores de los edificios, asina como’l mobiliariu, y hasta los más mínimos detalles decorativos, debíen ser modernistes, ye lo que se conoz como Art Deco.
Nel intre la moneda apaez un detalle decorativu de la fachada del hotel Van Eetvelde diseñada por Vítor Horta cola lleenda ART NOUVEAU. A manzorga, les marques del direutor de la ceca belga y la ceca de Houten (Países Baxos). Al llau, les sigles identificatives del país BE y so elli, l’añu acuñación 2023. A mandrecha les iniciales IB de la diseñadora Iris Bruijns.
Nel aniellu esterior, les doce estrelles de la Xunión europea.
Fontes: Numismática Visual (castellán)
Wikipedia. Modernismo (castellán)
No hay comentarios:
Publicar un comentario